كتبت: سهيلة درويش
نفسك تبقى منتج اكتر وتعمل حاجات كتير في يومك، وتخلص كل اللي وراك.
في شوية خطوات أنا جربتها ممكن تساعدك تبقى إنسان منتج ومنظم أكتر.
ايه هي الخطوات دي ؟
١- أعمل روتين صح:
يعني قبل ما تنام أكتب هتعمل ايه في تاني يوم، أكتب كل حاجه بالتفاصيل ده هيساعدك كتير تخلص اللي وراك وتبقى منظم.
٢- شعور ما بعد الإنجاز أهم من الإنجاز، بمعنى وأنت بتعمل تاسك ثقيلة وصعبة، افتكر شعورك بعد ما تخلصها هتكون مبسوط أنك أنجزت اللي وراك .
٣- نظم مهامك بمعنى أعمل
(to do list) منظمة بعنى الأهم ثم المهم ثم الأقل أهمية، هتلاقي اليوم مشي تمام .
٤- ابدأ بالأصعب وسيب السهل للآخر .
ابدأ بالتاسك الأصعب، أو لو بتذاكر أبدا ب أصعب مادة
ساعتها أصعب تاسك لما تخلصه هتحس انك انجزت و هيكون عندك حافز أكبر أنك تخلص التاسك الصغير.
٥- أعمل وقت لنفسك في اليوم
ميعديش يوم من غير ما تعمل حاجه بتحبها، تشرب مشروب بتحبه، تقرأ كتاب، تتفرج على كارتون، تتمشى لوحدك بالليل، اعمل أي حاجه بتحبها المهم اليوم ميخلصش إلا لو عملت حاجه بتحبها.
الوسوم:
أخبار اليوم