كتبت- إيمان ياسر
فاطمة عادل محمد هي فتاة عشرينية، مواليد محافظة الجيزة، تدرس فى كلية التربية لدراسة علم النفس بجامعة عين شمس .
-شعورك إيه ك كاتبة؟
عني ككاتبة الموضوع ممتع فوق منا كنت حاسه: شعور لطيف اوي لما تبقا قادر تعبر عن اللي جواك بالكلام والأجمل منه لما اللي بيقرئه يكون سامع صوته وتكون ليك بصمه وعلامه فقلوب الناس بكلماتك حقيقي من امتع مراحل حياتي لحظة مكتشفت اني عندي الموهبه دي .
-الكتابة بالنسبة لك إيه؟
الكتابة بالنسبالي افضل انواع العلاج النفسي اللي بتمتع بيه حقيقي هو خروج لكل شعور طال فقلبي او ظهر حديث مهما فعلا حاولت اشرح مدي تأثير كتاباتي فنفسيتي او اد اي مجازفه رهيبه انك تكتب تنهيدك او ترسم ضحكتك فورقه وغيرك يقرئها ويحس بيك حاجه اشبه بالورده اللي ريحتها بتعلق فأيد الكل .
-احكيلنا عن بداية المشوار؟
مشواري ابتدا من سنه بالظبط كنت قبلها مش موظفه كتاباتي فمكان معين كنت بكتب فكل شيء وبشكل عشوائي لحد مجالي فكرة الكتاب والأسم ساعتها حسيت اني عاوزن انفذ تفكيري علي ارض الواقع .
-اكتشفتى ازاى موهبتك او مين الى اكتشفها؟
موهبتي اكتشفتها لما لقيت الكل بيلفت نظره كتاباتي خصوصًا واحده صحبتي هي يعتبر اختي ثقتي فكلامها كبيره ولاحظت ده وشجعتني عليه وليا زمايل في الجامعه قالولي لازم اكمل ودكتور عزيزة علي قلبي جدًا غير اصراري اني احقق حلمي فكوني اطلع كل كتاباتي للنور .
-كلمينا عن كتابك؟
بصي كتابي ده مش جزء واحد ان شاء الله انا واثقه انه هيبقا ليه مردود واسع، الجزء الاول منه عباره عن خواطر هي خواطر مُجمعه اللي يركز فيها هيفهم ارتباطها وهيفهم علاقتها بالجزء التاني منها ان شاء الله ، في الجزء الاول الخواطر ملهاش سستم ثابت ماشيه عليه السستم الوحيد اللي حاكمها الشخص اللي بيقرئها بأختصار هي محط شعور لعابرها بدون النظر للي جه فباله ساعتها عشان كل واحد هياخد الجزء الاول منها اكنها حياته ف الجزء التاني شرح للجزء الاول بالتفصيل .
-مين داعمك فى بدايتك؟
اللي شجعني كتير بصراحه اوي في مقدمتهم عهد صحبتي يليها باقي صحابي كلهم فعلا وافراد من عيلتي حقيقي تشجيع الكل ده كان اكبر حافز اني اكمل بجد.
-حلمك توصلى لايه؟
حلمي موقفش كتابه للأبد افضل عارفه اعبر بالشكل ده وانمي طريقتي ويبقالي نهج فالكتابه خاص بيا زي م ان شاء الله يارب هيوصل ده من خلال الكتابين .
-تقدرى توصفى الطريق بالسهل ولا بالصعب؟
الطريق لو بان سهل نبقا ماشيين فطريق غلط مهما تيسر الأمر في الأول طبيعي هيصعب فى وقت ويضيق اوي" حتي تظن ان لا مخرج لك وبين ثنايا ضعفك تُولد من جديد " كل اللي اقدر اقوله خليك ورا حلمك واتمسك بيه في مقولة انا وخداها برواز في حياتي يومًا ما سأصل لذاتي ونفسي وما اتمني .
-مين الكاتب الى تعتبريه مثل أعلى او بتحبيه فى المجال الأدبى والكتابى؟
الكتاب كتير بصراحه بحب جدًا دكتور احمد خالد توفيق ودكتور محمد طه اقربهم لقلبي علي المستوي الكتابي دكتور احمد والمستوي الشخصي دكتور محمد طه حرفيا بيلمس شعوري بكلامه رغم انه يتصنف شرح اكتر مهو لغة كتابة بس طريقتة مُبسطه اوي وسلسه .
-وانتى بتقرائى كتابتك تقولى اى من فاطمة القارئة لفاطمة الكاتبة؟
احب اقول من قارئة لنفسي دلوقتي وهي كاتبة استمري ومتخليش حاجه توقفك ، احب اقول لكل قارئه عرفت تكتب جملتين تعيد كتابه فأكتر من موضوع لعل وعسي يطلع عندها موهبة مكبوته حقيقي نفسي نعرف نعبر عن خواطرنا الداخليه ونعرف نرتبط افكارنا الكتابيه، من قارئة لكاتبة تلت كلمات بيعنولي كتير والله من واحده بتختار روايتها وكتبها لواحده بتختار شكل الخط علي غلاف الكتب بتاعتها حلم وإن طال له لذة خاصة لن يشعر بها إلا صانعها.
-حلمك اى خصوصا بعد إلقاء الصحفى ده؟
موهبتي ملهاش سقف طموح بعد المقال ده بجد، كانت موهبة فردية وبقت جماعية من موهبة بنت لأسرة وصحاب ودكاترة وناس بتشوف كتاباتي وتقيم لدار نشر قبلت الكتب ف اقل من تلت ايام لأكتر من دار نشر كُتبي اتقبلت فيهم ، حابه اقول اخيرًا ان كُتبي الحمدلله فدار نشر تحت التمهيد خلاص انهم يطلعوا للنور والحمدلله جدًا على ده عقبال مكون جاهزة اني انقاشهم كل الشكر للموهبة اللي قررت تخرج للنور .
رئيس التحرير: عبدالله إبراهيم
نائب رئيس التحرير: مريم عبد الهادي كامل
#حكاية_تدَوِّن_أحلامنا_لكل_جيل
#جاليري_صناع_الثقافة_والفنون
#شروق_مصر_٢٠٣٠
#قادرون_بالحلم
#خُط_لكي_تترك_أثرًا
#النجاح_شايلنا_وطاير
#Shorouk_Of_Egypt
#Season_1
الوسوم:
عدد اليوم