حوار خاص مع الكاتبة "مريم مدحت" إلى مجلة (حكاية يافِث أرثر) - صناع السعادة للثقافة والفنون..
كتبت: رِهام الباز
_حكايتكِ بدأت مع موهبة الكتابة أمتى؟
من سنة تقريباً صدفة بسيطة خلتني أكتشف الموهبة دي، وابدأ أدخل الوسط الأدبي.
_مين أكتر الشخصيات المؤثرة اللي قابلتكِ في مجال الكتابة؟
الكاتبة بسملة عبد المولى، حقيقي من ألطف وأنجح الكتّاب اللي عرفتهم، والكاتب عبد الكريم مجدي، هو كاتب مميز وموهوب جدا، وأنا الحقيقة اتعلمت منه حاجات كتير.
_هل واجتهكِ صعوبات؟
أكيد كأي مجال جديد بندخل فيه لازم بتواجهنا صعوبات
زي مثلاً استهزاء بعض الناس ليك، ومعظمهم برضو بيشككو في موهبتك وقدراتك، ودي طبعاً حاجة كفيلة تخلي الشخص معندهوش ثقة في نفسه.
_وازاي تخطيتيها واتعاملتي معاها؟
اتخطيتها بأني آمنت بنفسي وبموهبتي، والثقة بالله ثم بالنفس إني أقدر أنجح وأبقى حاجة في مجالي.
_إيه الأخطاء اللي بتنصحي أي كاتب/ة ميوقعش فيها؟
عدم تنمية موهبته ولازم يتعلم أكتر وأكتر، ومتخليش حد يقلل من نفسك ومن قدراتك، وخليك فاكر إنك طول ما أنت عندك ثقة في نفسك تقدر تحقق المستحيل
_أهم الصفات في الكاتب هي إيه؟
صفات كتير زي مثلاً التفكير الإبداعي، والملاحظة العالية، والخيال الواسع الغير تقليدي.
_مين كان جنبك في أول خطوة ليكِ؟
أهلي و بالأخص ماما.
_كلمينا عن إنجازاتك؟
المشاركة في كتب مجمعة أهمها
_كتاب شتاء الروح.
_كتاب رياح عاصفة.
_كتاب انهيار من اللاشيء.
_إحساسكِ بعد كل نجاح ليكِ؟
حاسة إني لسه عاوزة أتقدم كتير في الوسط الأدبي وأنجح أكتر.
_كلمينا عن خططك المستقبلية؟
هبدأ أجهز بإذن الله في كتابي الأول وممكن ينزل علي المعرض اللي جاي أو اللي بعده.
_هل عندكِ مواهب تانية؟
لا
_وجهي كلمة للجريدة؟
أحب أشكر الجريدة والصحفية رهام الباز على الحوار الممتع دا وأتمنى لكم التقدم والنجاح الدائم.
_كلمة أخيرة نختم بيها الحوار الصحفي؟
هو فيه جملة أنا بحبها أوي هي اللي أقدر أختم بيها الحوار
"لا تنتظر الفرصة... اصنعها"
سعدت جدًا بالحوار مع حضرتكِ شكرًا جزيلًا.
رئيس التحرير: عبدالله البنا
الإشراف العام: هند مصطفى
الوسوم:
عدد اليوم