كتبت: سندس علي مغربي
حدثينا عن نفسك؟
أنا زيزي محمد عمري ٢٩ سنة من محافظة الشرقية وهوايتي الكتابة بدأت فيها من ٢٠١٨ حتى الوقت الحالي.
كيف كانت البداية في اكتشاف الموهبة؟
بالصدفة لما جربت أخرج الافكار اللي جوايا ونسجتها في صورة رواية ونشرتها بعدها على طول.
حدثينا عن أول الأعمال التي قمتِ بكتابتها؟
أولى أعمالي كانت سلسلة عشق الزين ومن بعدها توالت الكتابات والروايات.
ما الأوقات المفضله لديكِ للكتابة ؟
أفضل وقت عندي هو الفترة الصباحية، ذهني بيكون صافي.
من كان يساعدكِ في تنمية موهبتك، ومن هو أهم داعمٍ لكِ؟
كتير من أصحابي مابيبخلوش عليا بأي معلومة وأهم داعم ليا هما أهلى وزوجي ومن بعدهم أصدقائي.
حدثينا عن إنجازاتكِ حتى لو بسيطة؟
كتبت سلسلة عشق الزين وصدرت عن دار إبداع وأخر جزئين فيها في معرض القاهرة ٢٠٢٣ ورواية على شفا الهوى صدرت عن دار ابداع في معرض القاهرة ٢٠٢٢، أما الإلكتروني في كتير منها ندبات الفؤاد ومنك وإليك اهتديتُ وشهد الحياة وقلوب مقيدة بالعشق والكثير من النوفيلات سر وعلن والعوض ولعبة الهوى...
لنتخيل أن موهبتكِ تلك هي طفلتكِ المدللة، كيف لكِ أن تتعاملي معها، وتنميها؟
برفق وصبر الموهبة محتاجة تنمية ودا اللي بشتغل عليه طول الوقت وبنميها بالقراءة واستمرارية الكتابة.
وكيف تحمينها من العقباتِ، الفتور، والكسل، وذوي الآراء البائسة؟
باخد منها اللي يفدني وببعد عن الآراء اللي هتحبطني وتأثر عليا بالسلب، بتجاهلها.
ماهي أحلامك؟
إن أستمر في نفس الحلم اللي بدأت مشواره من ٢٠١٨ وأصل لمستويات بتمنها وان شاء الله هتحقق.
حدثينا عن قدوتك او شخصك المميز في هذا المجال؟
كتير في مميزين مفيش حد بالتحديد بقتطف من كل شخص شيء يفدني ويترك في نفس أثر جميل.
حدثينا عن موقف حدث وأثر فيكِ، وفي مجالك أو كلمه هي عندكِ مصدرُ تشجيع لشخص يمتلك الموهبه ؟
رسائل المتابعين ليا ومدى انبهارهم بتطوري وتقدريهم ليا في كل الاوقات هي مصدر التشجيع ليا.
رئيس التحرير: عبدالله إبراهيم
نائب رئيس التحرير: هند مصطفى
الوسوم:
عدد اليوم