-ممكن تعرف نفسك؟
هاجر يونس جرافيك ديزاينر .
-ممكن تقولنا بدأت في مجال الديزاين أمتى؟
من خمس سنين.
-مين أكتر الشخصيات اللي قابلتك في مجال الديزاين وأثر فيك؟
بصراحه محدش، انا بدأت تصميم لاني كنت بكتب روايات وقتها ومكنتش بحس أن الأغلفة اللي اتعملت لرواياتي معبره، مجرد أشخاص ف صوره وبس.
-هل واجتهك صعوبات؟
وازاي تخطيتها واتعاملت معاها؟
اكيد وأغلبها كان بيبقي ف فكرة التصميم، احيانا مش بتبقي قادره توصلي للشكل المطلوب لأن المحتوي مش حاجه تقدري تعبري عنها بصوره أو بشكل عام اسماء الروايات بتبقي مخلياكي متردده، قدرت اواجها بأني اشتغل ع روايات مش مطلوبه، وتخلي الغلاف ده ليا انا من غير نشر ، واحاول كل فتره اعيد التصميم تاني عشان اقدر اتأكد اني بتطور مش ثابته، مجال التصميم مش سهل خالص وعشان تقدر تكبر فيه لازم تستمر من غير ما توقف.
-بنسبالك الديزاين هواية أو موهبة؟
الاتنين ، هي لو مش هواية مش هتقدر تستمر فيها ولو مش موهبة مش هتنجح.
_برأيك إيه أهمية الديزاين؟
من أهم عناصر الرواية أو الكتاب هو التصميم، هو اللي بيشد القارئ وهو اللي بيعبر عن المحتوي والمضمون، لو مكنش ف تصميم، كان الكتاب هيبقي فاضي، مش جذاب.
-مين مثلك الأعلي؟
د/محمد طه
-مين وقف جمبك وشجعك في أول خطوة ليك؟
هاجر الحبشي.
-كلمنا عن انجازاتك؟
حاليا انا واقعه ف حب غلاف متلازمة حب الجديد لانه حقيقي مميز اوي ، وغلاف حب خاطئ ، غلاف لحن الهوى لم يشدو ، وغلاف قطمير.
-كلمنا عن خططك المستقبلية؟
إن شاء الله الخطوة الجايه يكون تعاقد مع دار نشر لاني حقيقي نفسي يكون ده مستقبلي اني اشتغل ف حاجه بحبها جدا زي التصميم.
-هل عندك مواهب تانية؟
كنت بكتب روايات وشاركت في فكتاب خواطر ف معرض القاهرة 2020 حزن مزخرف بالأحرف .
-وجه كلمة للجريدة؟
ممتنه جدا للحوار اللطيف ده ومبسوطه جدا اني اتعاملت مع جريده جميله جدا زيكم ومبسوطه بشكل خاص من تعاملي معاكِ.
-كلمة أخيرة نختم بيها الحوار الصحفي؟
حابه اشكر فاطمة عيد ع وجه الخصوص أنها رشحتني ليكم ، وحابه اشكركم انكم شرفتوني بالحوار دا،
سعدت جدًا بالحوار مع حضرتك شكرًا جزيلًا.
رئيس التحرير: عبدالله إبراهيم
نائب رئيس التحرير: مريم عبدالهادي كامل
الوسوم:
عدد اليوم