ممكن تعرف نفسك؟
علي الدين أحمد
مدرس لغة عربية، ومدرب تصوير، ومصور، ومعلق صوتي، ومدقق إملائي، ومؤلف قصصي.
-ممكن تقولنا بدأت في مجال فويس أوڨر ومجال
فوتوجرافر أمتى؟
لو قولنا نبدأ بالفويس أوفر فهو كان موهبة في البداية وكانت لغرض الترفيه والضحك فقط زي تقليد المذيعين سواء في الراديو أو القنوات الوثائقية، بفضل اللع بعدين قدرت أصقل الموهبة ديه وأحولها لحالة أفضل، ومن هنا جه مجال الفويس اوفر في حياتي..
أما موضوع التصوير فده كان حلم حياتي من اوائل الإعدادية يعني بنتكلم في حدود سنة 2011 - 2012، قررت في العمر ده إني افهم اكتر في التصوير وكنت بصور بأي حاجة تتوافر معايا أيا كانت جودتها، في الوقت اللي كان تعليم التصوير فيه صعب جدا، لكن بفضل الله علمت نفسي بنفسي عن طريق التجارب ومشاهدة فيديوهات الشروحات عن التصوير وكل مايخصه، وإلى الآن بتعلم ومشبعتش من العلم طالما حاجة عندي شغف بيها..
هل واجتهك صعوبات؟
وازاي تخطيتها واتعاملت معاها؟
الصعوبات ضروري تواجه أي حد في بداية طريقه وحتى في أي وقت، المتفق عليه إن طريق النجاح ليس مفروشا بالورود..
بنسبالك فويس أوڨر وفوتوجرافر هواية أو موهبة؟
الموهبة الفطرية لو صادف وكانت هواية عند شخص يبقى لازم نعرف إن الشخص ده هيعمل كل حاجة في سبيل تعلمها ومعرفة كل حاجة عنها، وده اللي حصل وبيحصل بالنسبة لمجالات شغلي..
برأيك إيه أهمية فويس أوڨر وفوتوجرافر؟
التصوير مفيش حد يختلف على أهميته من حيث تخليد الذكرى، وتوصيل المشاعر ونقل الإحساس، والتأثير في المجتمعات، وزيادة التواصل الاجتماعي بين الناس..
والمعلق الصوتي الناجح هو اللي يقدر يرسم بصوته، وعن طريق أداؤه الصادق يقدر يأثر في المستمع..
كلمنا عن انجازاتك؟
من إنجازاتي اللي دايما فخور بيها إني الحمدلله لسه بحاول وبعافر..
-كلمنا عن خططك المستقبلية؟
خططي من حيث إيه بالظبط..
لو من حيث التصوير فأنا عامل حملة اسمها 100 مليون مصور، بعلم فيها الناس التصوير مقابل مبلغ بسيط لضمان جدية الحضور والالتزام، فحلمي إني أزود وعي الناس اكتر بالتصوير.
وبمناسبة التعليم فانا من احلامي المهنية اللي بسعى ليها دايما بحكم شغلي كمعلم لغة عربية إن النحو _على سبيل المثال ميبقاش حاجة تقيلة ولا صعبة على طلابي، وده فعلا اللي بعمله..
-هل عندك مواهب تانية؟
* الكتابة، وبالفعل دخلت مسابقات كتير في مجال تأليف القصة القصيرة على مستوى الجمهورية من وانا طالب واتصعدت للمراكز والمراحل النهائية..
لكن متوقف من فترة طويلة..
-وجه كلمه للجريدة؟
شكرا جدا على الحوار اللطيف ده، بحيي اجتهادكم وإتقانكم، وربنا يوفقكم، ويكرمكم..
-كلمة أخيرة نختم بيها الحوار الصحفي؟
والله معنديش كلام معين أقوله، بس كلامي ده ليا اولا وللكل.. طالما واثق في ربنا وكرمه، اعمل اللي عليك وسيب التوفيق عليه.
سعدت جدًا بالحوار مع حضرتك شكرًا جزيلًا.
رئيس التحرير: عبدالله إبراهيم
نائب رئيس التحرير: مريم عبدالهادي كامل
الوسوم:
عدد اليوم