حوار: عبدالله إبراهيم
- حدثينا عن وجهة نظرك في العمر؟
أنا عمري ٢٧ سنه بس مبشوفش أن السن مقياس للعمر
- حدثينا عن كتابتك وأعمالك الأدبية؟
أنا مش بكتب أنا برسم وبصور
بالنسبه للرسم بـ الاكل بدأت فيه من صغري كان عندي حته إعادة تدوير اي شئ قدامي وبالأخص بواقي الطعام المتبقيه مني كنت احب اعمل بيها أشكال او ازوق الاكل واما ماما لاحظت دا بدأت تجبلي اسكتشات وألوان وتشجعني وف حته إعادة التدوير كنت مثلا أخد اطباق الفلين بتاع الجبنه واعملها برواز أو ازازه دوا اعملها فازه وهكذا بدأت اطور من نفسي ورسمي على مدار سنين تعليمي وكان المدرسين بيدعموني ويشجعوني اما لاحظو موهبتي فضلت أتعلم أنواع كتير من الرسم لحد الجامعه ام ظهر الرسم الفعلي بالاكل وكان للأطفال لتشجعيهم ع الاكل وظهور الرسم بالقهوه حبيته جدًا بس وقتها مجربتوش فضلت كدا لحد بعد جامعه وكان التصوير من زمان بحبه بس بطبع العاده مكنش اي طفل عنده كاميرا أو فون وقتها ف مكنتش مهتميه بيه لحد ما جيت ف بداية الكورونا ٢٠٢٠ كان ماما وقتها تعبانه ومبتقدرش تهتم بالزرع الـ زرعاه علي السطح وزعلت إن بدا يموت ف أنا قررت إن هطلع أصوره ليها بشكل حلو وكان وقتها اول مره اصور وصورت الصور وعدلتها و وريتها لماما وأهلي انبهرو بيها لدرجة فكروها من علي النت وشجعوني انزلها على الفيس ام نزلتها صحابي كلهم شجعوني أكمل ف التصوير وإن شغلي حلو ف بدأت أعمل أفكار تصوير إبداعي وبدأت اعمل ثيمات تصوير واكون الفكره كامله واصورها من ضمنهم عملت زي شط وعليه قواقع وكنز و عملت حاجه اسمها افكار تصوير ابداعي ان نعمل حاجات كريتيف وكدا ف رسمت وقتها موتوسيكل بفشار ورسمت وجه شخص ب رز وكوبيات قهوه ورسمت كره ارضيه على بسكوته أوريو ورسمت كاميرا ب لبن بودر ورسمت ولد وبنت نازلين من قمر ب البهارات كل دا مكنش ف بالي ان استمر ف المجال اصلا
لحد بدايه سنه ٢٠٢١ام عملت رسمه الابراج ب القهوه ولقت إعجاب كبير من ناس كتير جدا وقتها دخلت ف شابتر جديد من حياتي وهو الرسم ب الاكل والقهوه كله كان صعب ف البدايه بس بدأت أتمكن منه
- كيف كانت بدايتك وهل واجهت المصاعب؟
الصعوبه عامه ف فكره رسمي كلو صعب أنا برسم بحاجات مش تقليديه زي الألوان مرا ارسم ب شاي وقهوه ونسكافيه ومرا بستخلص اللون من مادته الاوليه وأنا ال بصنعه سواء من ميه بقدونس أو رمان أو هريسه شكه وهكذا في الصعوبه بتكون في كل الخامات وكل رسمه يعتبرها رحله ومغامره وانا بقعد اكتشف فيها حاجات جديده والتغلب علي صعوبتها عشان اوصل لنهايه الرحله ومن ضمن الصعوبات لو هرسم بنوتيلا قوام النوتيلا صعب جدا التحكم فيه ومش سهل التعامل معاه ولازم تكنيك معين فين فيه بس عملت منها رسومات كتير بس أشهرهم رسمه عمر الشريف وفاتن حمامه
ومن اكتر الصعوبات بقا اللي ديما بتواجهني هي النسكافيه لانه ف الأصل قهوه سريعه الذوبان وانا بستخدمه عشان احدد الرسمه ف أما اجي الون بالقهوه والشاي وهما بيكون سايلين اول أما يحو علي النسكافيه يدوبه فعشان أتعاب علي المشكله دي نوعا ما بقيت ادخل الرسومات الفرن لوقت معين وبطريقه معينه تخلي النسكافيه يمسك وميدوبش .
- دعنا نتخيل أن موهبتك العظيمة هي طفلتك المُدلّله أخبرنا كيف تتعامل معها لكي تُنميها؟
بحاول أن انمي في موهبتي ديما واعمل افكار مختلفه وغير مألوفة عليا حتي مكونش عارفه هنفذها ازاي لحد ما الاقي طريقه كويسه تساعدني انفذها احيانا بشوف برامج تعيليمه عشان احسن من مستوايا اكتر وهكذا
- وكيف تحميها من العقبات التي تواجهك مثل المحبطين او الكسل وغيرها من العقبات؟
بالنسبه للكسل بحاول أن وقتها افصل نفسي عن الرسم أو التصوير يوم او يومين عشان محسش بزهق أو روتين وف الفتره دي اكون بفكر علي افكار جديده اعملها
بالنسبه للمحبطين مش بحطهم في دماغي اصلا
- هل في يوم قال لك أحدهم أنك لست موهوب او أوجه لك حديث جعلك تشعر للحظه أنك غير موهوب او كان المجتمع من حولك يحب موهبتك ويقوم بتشجيعك؟
لا ف البدايه اهلي شجعوني وكانو يجيبو ليا مستلزمات الرسم وهكذا وأما بدأت ف التصوير بصراحه اهلي ف البدايه كانو معارضين لكن بعد اما شافو شغلي تعجبو بيه جدا ومكانوش متوقعين ان اعمل حاجه زي كدا وبالنسبه لصحابي من اول مبدات وهما ديما في ضهري وبيشجعوني
- كيف استطعت تخطِ كل العقبات والصعوبات التي واجهتها؟
بالصبر والنظر ديما لنجتحي اللي حققتو ولا ناويه اني أوصله باءذن الله
وبدعم الناس اللي بتشجعني ديما
- حدثني عن قدوتك او شخصك المميز في هذا المجال الذي كان مصدر إلهامك؟
مفيش ملهم ليا وقت اما بدأت ف المجالين كان اتجاه ذاتي مني ليهم
حدثينا عن أمنيتك التي تحاول تحقيقها في هذا المجال؟
حلمي وهدفي هو الإنتشار ونشر فني ورسمي ف العالم من مشرقه ل مغربه حلم كبير بس مفيش حاجه كبيره على ربنا كما يقال الحد الوحيد ل حلمك هو خيالك وأنا خيالي واسع وباءذن الله هوصل فني للقمه و ال بتمنى احققو ف يوم من الايام ان أثبت نفسي لنفسي قبل العالم وأن ققدر اكفل نفسي بموهبتي معتمدش على حد وافتح معارض ليا ف جميع أنحاء العالم وان يتعرض رسمي ف أشهر معارض وان افتح وكاله بتضم أغرب انواع المواهب واغرب طرق الرسم واكون أنا الراعي لكل المواهب الناشئه واساعدهم يخرجو فنهم للعالم كلو
وف النهايه هقول سأستمر في السعي حتي يمل السعي مني.
- لكل فن رسالة، ماهي رسالتك التي تحاول إيصالها إلى العالم؟
اني عندي فن مختلف وإني فني يستحق التقدير وإن استحق أن اوصله للعالم كله
وان اقدر اساعد غيري يوصل فنه للناس وميتعبش ويمر بالتجارب القاسية ال مريت بيها
- أسرد موقف حدث لك وكان له عليك تأثير في هذا المجال أو كتشجيع لغيرك من ممتلكين هذه الموهبة!
في نهاية سنه ٢٠٢٠ كنت نويت إن مش هرسم تاني او اصور وكنت بسبب قله التقدير اتجهت لكتابه مقالات نفسيه ولقيت اعجاب من ناس كتير لحد بداية سنه ٢٠٢١ وقت أما رسمت رسمه ابراج العالم بالقهوه وقتها حصلي ال عمري ما كنت أتوقعه أو يجي في بالي يوم وشغلي ظهر ف التلفزيون وظهرت ف كذا لقاء علي بن أن كبيره ومعروفه وقتها دخل ف قلبي امل كبير اوي أن كل الوقت ال فات كنت بتعب ومبتقدرش فيه ربنا كان بيجهزني للعوض ال أنا استحقه
- إذا طلبت منك وصف المؤسسة والغزل بها لكي تلفت نظر العالم إليها وتجعلها أقرب لقلوبهم مثلما هي قريبة من قلبك، ماذا ستقول؟
اوصف المؤسسه بأنها داعمه لكل المواهب ومن الناس اللي بتساعد المواهب المغموره إنها تطلع للنور ف دا شيء كويس جدًا.
الوسوم:
العدد الشهري _ العدد الأول