اسمك؟
رحمه سامي سليمان السيد
عمرك؟
23 سنه
بلدك ؟
القاهره
اي هي موهبتك؟
الكتابة
كم كان عمرك لما اكتشفتها؟
كان عندي 21 سنه
كيف كانت بدايتك وهل واجهت
المصاعب؟
كانت جيدة برغم ان ناس كتير قللت من موهبتي وقالت اني منفعش وان دا اي كلام وخلاص بس انا كنت حابه اللي بعمله.
خلينا نتخيل أن موهبتك العظيمه دي هي طفلتك المدلله قولنا ازاي بتتعامل معاها عشان تنميها ؟
بقراء كتير جدا وبحاول اكتب حته او افكار متشابهه المهم اني بخليها بلوني انا وبطريقتي انا وبتطلع مختلفة وبكون عايشه كل حدث قيها.
وكيف بتحميها من العقبات اللي بتواجهك زي المحبطين او الكسل وغيرها من العقبات؟
بحاول اطنش ومركزش في كلامهم لاني من النوع اللي بيتاثر جدا وعشان كدا ببعد عن اي حاجه سلبية ممكن تهدني.
هل في يوم حد قالك انه انت مش موهوب او وجهلك كلام خلاك تحس للحظه أنك مش موهوب او كان المجتمع اللي حوليك بيحبوا موهبتك وبشجعوك ؟
ناس كتير كانت بتحبط فيا وتقولي اني مبعرفش اكتب واني فاشلة بس انا كنت برضو بستمر مش لاجل اني موهبه بس لاجل اني بفرح وبرتاح بالكتابة جدا.
كيف قدرت تتخطى كل صعوباتك اللي
واجهتها ؟
كنت بخليها تشجيع ليا باني استفيد من كلام الغير وانتقادهم ليا واخليه سبب اني احسن من نفسي وابقي احسن.
ومن هو أهم داعم ليك؟
للاسف لا يوجد داعم.
كلمني عن قدوتك او شخصك المميز في هذا المجال اللي كان مصدر إلهامك ؟
كاتبات كتير من ضمنهم ايمان عبدالرحمن وكاتبة علي الفيس بوك اسمها ماهي احمد وبسملة بدوي.
قولنا عن امنيتك اللي بتحاول أنك تحققها في مجالك ؟
ان يبقي ليا كتاب خاص بيا لوحدي ويبقي معروف وناس كتير يعجبها.
لكل فن رساله ايه هي رسالتك اللي بتتمنى أنك توصلها للعالم؟
ان مهما حصل في عوض من ربنا ولكل درس في استفادة منه احنا مش عايشين كدا وخلاص لكل حاجه سبب وهدف.
لو طلبت منك انك توصفي المؤسسة وتتغزل بيها عشان تلفت نظر الناس ليها وتخليها قريبه لقلوبهم زي ما هي قريبه ل قلبك هتتكلمي عنها ازاي؟
ان بجد دي من احسن المؤسسات اللي شوفتها لانك بتحسها عيلتك التانية كلنا ايد واحده وبنشجع بعض وفي احترام وتقدير بجد مؤسسة محترمه جدا.
بتحب تقول موقف حصلك واثر فيك في مجالك او كلمه تكون مصدر تشجيع لاي شخص يمتلك الموهبه ؟
موقف اثر فيا لما صديقة قديمه ليا قالتلي اني بعيش الدور وبحب ابقي ضحية وبتقمص دور البطلة بتاعتي يعني مريضة بالاوهام.. اما كلمه تشجيع لاي شخص بيكتب زي اوع تخلي حد يحبطك وخليك واثق في نفسك وخليك دايما باصص لاقدام وصدقني في يوم هتنجح 💪🏻❤
٭رئيس مجلس الإدارة: عَبْدَاللَّه إِبْرَاهِيم "يافِث أرثر"
الوسوم:
حورات صحفية