📚 ريفيو رواية: جنهارا
✍️ للكاتبة: شيماء حسانين عنتر
🖋️ بقلم الكاتبة: منار السيد
التقييم الكلي: 6/10 ⭐⭐⭐⭐⭐⭐
مساء الخير انا قرأت رواية جنهارا ودا رأيي فيها
فكرة الرواية مش تقليديه ودي اكتر حاجه عجباني، وعالم جنهارا واضح إنه خيال فانتازي غني (إنس جان صراع وجودي) وده عنصر جذب قوي جدًا
فكرة التعايش أو الصراع بين عالمين، والزواج كحل سياسي أو إنساني، فكرة ناضجة وغير سطحية وكمان الإيحاء بأن جنهارا قد تكون جنة آدم على الأرض فكرة ذكية ومغرية جدًا دراميًا
أما الجو العام الكاتبه عندها قدرة واضحة على خلق مزاج سوداوي حزين يناسب الصراع وعجبني اوي المشاهد الليلية، الغابة، العرافة أو العجوز، المجلس… كلها عناصر بتدي إحساس أسطوري جميل
نيجي بقى للرمزية
الشخصيات مش مجرد أشخاص، لكن رموز
آدم هنا هو الحاكم أو المسؤول الممزق
دام أنيس هو السلطة أو العقل السياسي
جنهارا هي الأرض أو الحلم أو السلام
الرمزية دي نقطة قوة لو اتضبطت أكتر
لكن لا توجد رواية تخلو من نقاط الضعف يمكن تكون حقيقية محتاج تعديل وممكن تكون من وجهة نظري الشخصيه ككاتبه لأن كل واحد بالنسباله أسلوبه هو المقياس فدا مش تقليل خالص من موهبة الكاتبة
السرد مشتت
أحيانًا الانتقال بين الأحداث سريع جدًا أو العكس وصف طويل بدون تقدم حقيقي
القارئ يضيع مين بيتكلم؟ إحنا فين زمنيًا؟ ده حلم ولا واقع؟
تاني حاجه الشخصيات الثانوية شخصيات كتير بتظهر وتختفي بدون عمق كافي
في أسماء وأدوار محتاجة إما تقليل أو تعميق واضح
وكمان حسيت إن الحوار أحيانًا
خطابي زيادة أو فلسفي بشكل مباشر محتاج يكون طبيعي أكتر ويعبر عن الشخصية مش عن الفكرة فقط
تقييمي النهائي 6/10 لكن لو اعتقد الرقم دا هيترفع جدا بعد التعديلات لأني بدي الفكرة والعالم لوحدهم 9/10
بالتوفيق للكاتبة.
#جنهارا #شيماء_حسانين_عنتر #روايات_فانتازيا
#مراجعات_روايات #خيال_فانتازي #قراءة_ونقد