تدقيق ومراجعة: أميمة عثمان
كتبت: رِهام الباز
-عرفينا عنكِ؟
انا ريهام مجدي خريجة اعلام عين شمس بتشغل مديرة التسويق الإلكتروني في المعهد العالي للعلوم الإدارية بأوسيم.
_ممكن تقولي لينا بدأتي أزاي في مجال فويس أوڨر ؟
الموضوع جية بالصدفة جدا لما كنت بجرب اعمل دوبلاج وقررت في مرة أني أعمل فيديو أحط عليه الكواليس، وأنا بسجل وبالفعل الموضوع سمع جدا مع الناس ولاقيته بيتشير بطريقة غريبة وبعدها كذا قناة كلمتني عملت انترفيو معاهم وبعدين مصرية ميديا شركة دوبلاج كلمونى وروحت عملت كاستينج وبقيت معاهم.
_مين أكتر الشخصيات اللي قابلتك في مجال وأثر فيكِ؟
مقابلتش حد معين بس متابعة ناس كتير شاطرة فى الفويس اوفر او علامة زى طارق نور مثلا فبقعد اسمعهم كويس واتعلم منهم واتابع بيعملوا ايه.
_هل واجتهكِ صعوبات؟
وازاي تخطيتها واتعاملتي معاها؟
اتعاملت مع أني مش عارفه اوصل،
إني قررت لازم هوصل مهما كان، و لازم أنا اللي اصنع الفرصة بنفسي لنفسي.
_بنسبالكِ فويس أوڨر هواية أو موهبة؟
الفويس اوفر عندي موهبه من وأنا صغيرة بس متحولتش لهواية الا لما كبرت واخدت بالي منها.
_برأيكِ إيه أهمية فويس أوڨر ؟
الفويس اوفر مهم انه بيصنعلك حالة من الخيال.. تتخيلي الصوت لو مش شايفة الصورة وتتخيلي شكل الشخصية ايه.. كمان هو وسيلة مهمه جدا لنقل المشاعر والعواطف من خلال الصوت ودة مش سهل أي حد يعمله.
_مين مثلك الأعلي؟
ماعنديش مثل أعلى معين بس فى شخصيات كتير ملهمة بالنسبالي، يعني أي شخص عنده قصة نجاح بيكون ملهم بالنسبالي حتى لو شخص مش معروف.
_مين وقف جمبكِ وشجعكِ في أول خطوة ليكِ؟
أهلي وأصحابي أول ناس وقفوا جمبي وشجعوني وبقوا مبسوطين جدا بيا وبيمشوا يعرفوا الناس عليا ودي حاجة كانت مفرحاني أوي.
_كلمنا عن انجازاتكِ؟
انا شخص بسيط جدا كلمة انجازات دي كبيرة يعني انا بحقق نجاحات مش انجازات
عملت مثلا كارتون زي نجمه ضد قوى الشر واعلانات بيندولين وعملت رد آلى لعيادات داوي، كمان عملت لعبه سبايدر مان على البلايستيشن.
-كلمنا عن خططكِ المستقبلية؟
خطتي المستقبلية أني عايزة اركز أكتر واتعمق في مجال الدوبلاج والفويس اوفر واحقق فيهم نجاحات اكبر.
-هل عندك مواهب تانية؟
عندى مواهب تانيه يدوية زي التلوين والرسم بالرمل، وبحب عموما الأعمال اليدوية وبحب التمثيل.
_وجهي كلمه للجريدة؟
شكرا جدا لأني كنت جزء من شغلكم فى يوم من الايام وشكرا لاهتمامكم واتمنى يكون في اهتمام زي كدة على طول لكل الشباب الناجحين الموهوبين اللي بيسعوا يعملوا حاجة كويسة.
_كلمة أخيرة نختم بيها الحوار الصحفي؟
شكرا ليكم واحب اوضح رسالتي وهي أنك حارب عشان أي حاجة أنتِ بتؤمن بيها واصنع فرصتك لنفسك ماتستنهاش تيجي لحد عندك.
_سعدت جدًا بالحوار مع حضرتك شكرًا جزيلًا.
شكرا ليكي واسئلتك لطيفة اووي.
رئيس التحرير: عبدالله البنا
الإشراف العام: هند مصطفى
الوسوم:
عدد اليوم