لو لسه مجهزتش للسنه الجديدة ..فـ انا بقولك ان ده الوقت المناسب اللي المفروض تبدأ فيه ♡!

١- نضَف حياتك ، ايوه بجد زي ماسمعت نضفها !

الكتب اللي ملهاش لازمه طلعها هدايا وحط الكتب اللي بتقراها ادامك ، النوتس الخلصانه شيلها وسيب اللي فاضيه عشان تستخدمها ، الابلكيشنز الي ماليه الفون عالفاضي امسحيها ، ناس بتأذيك شيلها من حياتك ، متسيبش حاجه ملهاش داعي ، عايزين نبدأ علي نضافه.

٢- لو مجبتش بلانر ومادياتك تمام هات بلانر ، مستخسرش فالتخطيط ده هيرتبلك حياتك طول السنة يعني استثمار مافيهوش خساره بإذن الله ، ولو الماديات متسمحش هات كشكول يكون شكله حلو يكفي السنة يعني ٢٠٠ ورقه كويس لو هتكتب يومياتك فيها واستني بوست ازاي نعمل بلانر في كشكول.

٣- لو عندك مكتب دلعُه حتي لو بـ مفرش جديد ، لوحه عالحيطه نلزق عليها ورق تحفيزي وايجابي ، اي حاجه تفتَح النفس الحاجات الصغيرة دي هتفرق معاك ومع نفسيتك.

٤- خد عهد مع نفسك ان السنة الجديدة هتبطل تستخسر وهتبدأ تستخدم النوتس والاقلام الي شكلها حلو واي حاجه جبتها وركنتها ، الواحد هيعيش مره واحده.

٥- هات حصاله عشان هتحط فيها ع طول الفكه اللي معاك وعلي اخر السنة هنفتحها نجيب بيها هديه لنفسنا حتي لو المبلغ الي جمعناه صغير.

٦- اكتب جواب لنفسك وحطه ف اخر الدرج عشان هنفتحه السنه الجايه باذن الله.

٧- ابدأ خطط السنة الجديدة متستناش لما تتزنق ف اخر اسبوع ولا اخر يومين.

٨- طلع صدقة او اطعم حد بنية ان ربنا ييسرها معاك في التخطيط بتاعك.

لو خلَصت البوست سيبلي كلمة او دعوه حلوه تقديرًا لتعبي ، والبوست الجاي باذن الله هيبقي عن التخطيط بتاع السنه استنوني 🌿

رئيس مجلس الإدارة: عبدالله البنا

الإشراف العام: هند مصطفى

#تنمية_وردية ~

#دار_النُهى_للترجمة_والنشر_والتوزيع #فلسطين_حرة

#سنتين_بندوِّن_حكايتنا

#حكاية_تدَوِّن_أحلامنا_لكل_جيل

#جاليري_مكتبة_البحيرة_للقراءة_والتوزيع

#قادرون_بالحلم

#خُط_لكي_تترك_أثرًا

#النجاح_شايلنا_وطاير 🦅♥️"

#Happiness_Makers

#Season_2