القراءة كنزُ لا يفنى

كتبت: هاجر صابر 

في عشق الكُتب أصبح قلبي مُتيمًا ..

بمُناسبة أن النهاردة هو اليوم العالمي لعُشاق الكُتب، فلازم يكون يوم مُميز.

رحلتي من إني بتفرج على الكُتب من باب الفضول وأمشي، لإني مبضيعش فرصة إني أشتري كتاب وأدور إيه ممكن يفيديني أكتر.

القراءة من أمتع الهوايات اللي ممكن تمارسها، وخصوصًا لو الكتاب ورقي مش pdf حقيقي بيكون له نكهة استمتاع مُميزة.

القراءة بتوسع إدراكك وبتغير وجهه نظرك في حاجات كتير جدًا بشكل لا تتخيله، بتكون شخصيتك من أول وجديد، بتبني قناعات خاصة بيك نابعة من جواك بعد ما توازنها بميزان عقلك، مش الأفكار والمعتقدات اللي كبرت لقيتها جواك بالوراثة والبيئة والمجمتع اللي حواليك وهي لا تمت لك بصلة نهائيًا. 

القراءة مهمة وفي جميع المجالات، اقرأ عن كل حاجة وخلي عندك معلومات في جميع المجالات حتى لو مش تخصصك، ده هيفيدك جدًا وهتكتشف ده بنفسك مع الوقت.

مش شرط تقرأ كم كبير عشان تحس إنك أنجزت وممكن متستفيدش بأي كلمة، لكن ممكن تقرأ كم صغير وتستفاد باللي قرأته وتطبقه في حياتك، ساعتها القراءة هتكون كنزُ لا يفنى ومتعة حقيقية تكون سعيد بممارستها .

 

#اليوم_العالمي_لعُشاق_الكُتب