كتب: عبدالله إبراهيم
- حدثينا عن وجهة نظرك في العمر؟
- الموهبه ملهاش علاقه بالعمر، ممكن حد يكون عارف موهبته من صغره وممكن شخص تاني يكتشفها لما يكبر.
- حدثينا عن أعمالك في مجال التصوير؟
-صورت حاجات كتير، كل ماتجيلي فكره انفذها وابدأ أختار الشخص والمكان والفكره والتوقيت وكل حاجه تخص السيشن، بصور في أماكن مختلفه بأفكار مختلفه تليق على المكان اللي بصور فيه.
- كيف كانت بدايتك وهل واجهت المصاعب؟
-بدأت في أول سنة جامعة صورت أنواع كتير من التصوير ولكن حبيت تصوير البورتريه أكتر حاجه، أكيد من الحاجات الصعبه اللي واجهتها إن الناس ماكنتش مقتنعه أبدًا إن الصور اللي بصورها دي تصوير موبايل.
- دعنا نتخيل أن موهبتك العظيمة هي طفلتك المدلّله أخبرينا كيف تتعاملي معها لكي تنميها؟
-بهتم جدًا بالتصوير وأي حاجه لها علاقة بيه عشان الصورة تطلع حلوزة، بتدرب كتير جدًا وبحاول أعرف معلومات جديده دايمًا واطور من تصويري
- وكيف تحميها من العقبات التي تواجهك مثل المحبطين أو الكسل وغيرها من العقبات؟
-شغفي كله تقريبًا في التصوير في لو مكنتش مبسوطه بنزل اصور عشان اخلي المود بتاعي كويس.. مش بهتم بالكلام السلبي بصراحه خالص فى مش بيأثر عليا لأني واثقه جدًا في تصويري
- هل في يوم قال لك أحدهم أنك لست موهوب أو أوجه لك حديث جعلك تشعر للحظه أنك غير موهوب أو كان المجتمع من حولك يحب موهبتك ويقوم بتشجيعك؟
- مفيش حد أعرفه معرفه شخصية قالي إني مش موهوبه أو حاول يضايقيني بالكلام لكن طبعًا بيجيلي تعليقات سلبيه ونقد من ناس مش أهل للنقد فى مش بهتم بيه وأحيانًا بتجاهل الرد عليهم تمامًا لكن معظم الناس اللي يعرفوني بيشجعوني ويدعموني.
- كيف استطعتي تخطي كل العقبات والصعوبات التي واجهتيها؟
-قدرت على دا بأني ازود ثقتي في نفسي أكتر وأفكر في أفكار غير تقليدية واصورها وأشوف رأي الناس
- حدثني عن قدوتك أو شخصك المميز في هذا المجال الذي كان مصدر إلهامك؟
-مفيش حد معين قدوتي في التصوير بس بحب اتفرج علي التصوير السينمائي واتعلم التكوين وباليت الألوان والكادرات ودا بيفرق معايا
- حدثينا عن أمنيتك التي تحاول تحقيقها في هذا المجال؟
-أمنيتي إني أصور في كل محافظات مصر وانشر دا بهدف ترويج السياحة، واعمل معرض خاص بصوري وتفضل صوري موجودة في كتب للأبد عشان تفضل موجودة بعد مني
- لكل فن رسالة، ماهي رسالتك التي تحاول إيصالها إلى العالم؟
- بحاول أوصل للعالم إن أي كان موهبتك تقدر تستغلها بأقل إمكانيات مش شرط إمكانيات عالية عشان تعمل اللي أنت عاوزة.
- أسرد موقف حدث لك وكان له عليك تأثير في هذا المجال أو كتشجيع لغيرك من ممتلكين هذه الموهبة!
-من المواقف اللي بتسعدني بعد ماصور شخص مايكنش بيحب يشوف نفسه في الصور وبيكره إنه يتصور ومعندوش ثقه في نفسه ناحية الموضوع دا وبعد ما أصور يحب شكلها وتزيد ثقته فى نفسه ويبقي مبسوط إنه طول حياته مبيحبش يتصور ولا وثق ولا بيظهر في أي صورة بسبب إنه بيكره شكله في الصور وأما اجي أصوره كل دا يتغير ١٨٠ درجة
- التصوير هو توثيق أي لحظه أو أي مكان أو أي شئ يفضل ذكري تفضل موجوده دايمً بالنسبالي التوثيق مهم جدًا.
رئيس التحرير: عبدالله إبراهيم
الإشراف العام: هند مصطفى
الوسوم:
عدد اليوم