حوار: عبدالله إبراهيم
حدثينا عن وجهة نظرك في العمر؟
العمر هو مجرد رقم ومراحل بتعايشها في الحياة
يا إما تستغله صح يا إما تحس أنك بلا فائدة
حدثينا عن أعمالك في فن الكروشيه؟
عملت منتجات كثير آوي ومختلفة ولسان بعمل حاجات وبسعي لحاجات أكتر وتكون جديدة في نفس المجال بسعي دائما أني أطوره حضرت معارض وقمت بتعليم ناس فيه وازى يبدأوا فيه
كيف كانت بدايتك وهل واجهت المصاعب؟
بدايتي كانت من وأنا صغيرة في المرحلة الابتدائية وبدأت أتعرف على الفن دا من خلال المدرسة واستمرأت فيه لانا حبسته وجدا ولقيته حاجة مختلفة وجديدة وبدأت مع تطور الانترنت ووجود اليوتيوب ابحث واشوف اكتر عن الفن دا وازاى ابدأه وبدأت اشتغل ورا كل فيديو لحد ما انتجت حاجات كتير منها مفارش وكوفيات
دعنا نتخيل أن موهبتك العظيمة هي طفلتك المدلله أخبرنا كيف تتعامل معها لكي تنميها؟
حقيقي الكروشيه بالنسبة ليا ابني اللي بهتم بيه وبسعي دايما اطوره وبنميه من خلال اتقانه والصبر علي كل خطوة فيه علشان اطلع بإنتاج كويس
وكيف تحميها من العقبات التي تواجهك مثل
المحبطين او الكسل وغيرها من العقبات؟
ابدأ اتكلم عنه كتير قدامهم واثبتلهم انه حاجة مفيدة في حياتى وقد ايه بيفرق في يومي من خلال المنتجات واراء الناس في شغلي واشجعهم علي تعلمه
هل في يوم قال لك أحدهم أنك لست موهوب او أوجه لك حديث جعلك تشعر للحظه أنك غير موهوب او كان المجتمع من حولك يحب موهبتك ويقوم بتشجيعك؟
نعم حدث بالفعل وواجهت حاجات كتير زي ان الفن دا ملوش لازمة وهو شوية خيط مش موهبة بس بالعكس دا شجعني اكتر اني اعاند واثبت العكس وانه فن مهم جدا زيه زي اي موهبة بتظهر ف المجتمع
وحدث ايضا ان البعض الآخر قام بتشجيعي مثل اهلي وخصوصا اختي وبدأت ف نشر منتجاتي علي مواقع التواصل الاجتماعي وبدأت الناس تطلع عليها واصبح مشروع مهم في حياتي
كيف استطعت تخط كل العقبات والصعوبات التي واجهتها؟
بالعناد لكي اثبت انه مهم وبدأت اظهر كل مرة حاجة جديظة غير متوقعة من شغلي واطلع بمنتج مختلف عن اللي قبله
حدثني عن قدوتك او شخصك المميز في هذا المجال الذي كان مصدر إلهامك؟
مش شخص معين بس فيه فنانين كتير وعندهم قنوات علي اليوتيوب واتعلمت منهم كتير
حدثينا عن أمنيتك التي تحاول تحقيقها في هذا المجال؟
بحاول اني افتح جاليري بإسمي وفيه كل منتجاتي وتكون انا اللي عملاها وبدأت بحاجات صغيرة زى حضور معرض يومي وعرض منتجاتي ولقيت اقبال شديد علي المنتجات بتاعتي وكمان شجعت ناس كتير كانت عندها نفس الموهبة بس مكانوش عارفين يبدأو ازاي
لكل فن رسالة، ماهي رسالتك التي تحاول إيصالها إلى العالم؟
بحاول اوصل ان الفن دا مميز جدا وبيدي لمسة حلوة واصبح حاليا من الحاجات اللي تدخل اي بيت تلاقيها موجودة زي المفارش والتابلوهات والكوفيات وكله من الخيوط المميزة
الكروشيه هو عبارة عن خيط وابرة بس مميزين شوية وله اسلوب ونظام ف شغله وبيعلم الصبر وبيدينا طاقة إيجابية حلوة اوى ويخرج اي طاقة سلبية مأثرة ع حياتك وحقيقي مش ببقي متخيلة يومي من غير ما اشتغل فيه ولو لمدة ساعة وفي حاجة بسيطة تفصلني عن يوم شاق وطويل
أسرد موقف حدث لك وكان له عليك تأثير في هذا المجال أو كتشجيع لغيرك من ممتلكين هذه الموهبة!
مش موقف معين بس حابة اقول ان احنا عايشين علشان يكون لينا اثر حلو ف الحياة وطبيعي هنلاقي عندنا اي موهبة وشغف تجاه فن معين فا ياريت نهتم بيه وننميه ما دام شايفين انه هينفعنا وهينفع غيرنا وهيأثر بالايجاب علي حياتك
رئيس التحرير: عبدالله إبراهيم
نائب رئيس التحرير: هند مصطفى
الوسوم:
عدد اليوم