كتب: عبدالله إبراهيم
-نريد التعرف عليك؟
انا سهيلة زيتون من المنوفية و عندي 17 سنة.
- حدثينا عن وجهة نظرك في العمر؟
فترة احنا اللي بنختار يا نستغلها ف شيء يسعدنا او نضيعها و نندم عليها بعدين
- حدثينا عن كتابتك وأعمالك الأدبية؟
أنا من صغري وموهبتي الرسم
بس من فترة و حبيت الكتابة و الشعر و بدأت اكتب هو مش أحسن حاجة بس انا بحب اكتب و دا الأهم .
- كيف كانت بدايتك وهل واجهت المصاعب؟
بدأت رسم من وانا طفلة و مكملة لحد دلوقت ، الصعوبات اللي ممكن تقابل اي حد هي التقليل من موهبته او من حاجة هو بيحبها.
- دعنا نتخيل أن موهبتك العظيمة هي طفلتك المدللة أخبرنا كيف تتعامل معها لكي تُنميها؟
بنميها بـ إني احاول أطور من نفسي و اتعلم كل فترة حاجة جديدة ، و مش لازم أكرر نفس الحاجة كل يوم علشان مَمِـلّش فـ لازم افصل فترة علشان ارجع بنفس الشغف من جديد
- وكيف تحميها من العقبات التي تواجهك مثل المحبطين او الكسل وغيرها من العقبات؟
لازم اقنع نفسي ان كل اللي حوليا مجرد جُمل منحوته ع جداران اقدر اخفيها و اغير لونها لـ لون يعجبني لأن الناس مش عاجبها حاجة يعني لو نجحت هيحبطوك لأنهم غيرانين و لو فشلت هيحبطوك لانهم فرحانين بِـ فَشلك
- هل في يوم قال لك أحدهم أنك لست موهوب او أوجه لك حديث جعلك تشعر للحظة أنك غير موهوب او كان المجتمع من حولك يحب موهبتك ويقوم بتشجيعك؟
اكيد حصل من ناس المفروض انهم يبقوا مصدر الدعم ليك
- كيف استطعت تخطِ كل العقبات والصعوبات التي واجهتها؟
بالتجاهل.
- حدثني عن قدوتك او شخصك المميز في هذا المجال الذي كان مصدر إلهامك؟
مش حد معين ، انا بحترم اي شخص بيقدم شيء لطيف او رسمة بحس انه تعب فيها حتى لو مش احسن حاجة .
- حدثينا عن أمنيتك التي تحاول تحقيقها في هذا المجال؟
اوصل لمرحلة من التطور ترضيني مش مهم تعجب حد.
- لكل فن رسالة، ماهي رسالتك التي تحاول إيصالها إلى العالم؟
متخليش كلام الناس هو هدفك ف الحياة لأنك هتكسب رضا الناس بس هتخسر نفسك.
- أسرد موقف حدث لك وكان له عليك تأثير في هذا المجال أو كتشجيع لغيرك من ممتلكين هذه الموهبة!
مفيش مواقف غير مع نفسك تخيل كدا يبقى معاك رسمة تفضل شغال عليها بـ الـ5 ساعات متواصل و بعدين تخلصها تلاقي نتيجة ُمرضية جداً بالنسبالك دا لوحده كفيل انه يخليك تكمل و تحاول تبقي أفضل.
- إذا طلبت منك وصف المؤسسة والغزل بها لكي تلفت نظر العالم إليها وتجعلها أقرب لقلوبهم مثلما هي قريبة من قلبك، ماذا ستقولين؟مؤسسة اتمني انها تفضل موجود و تتكرر كتير علشان السوشيال ميديا يبقى ليها فايدة
و علشان أحلام ناس كتير تتحقق بدل ما أحلامنا بتروح لغيرنا ميستاهلش بس وصل علشان شوية صياح و طلع تريند فـ يوم على شيء تافهه غير حياته.
رئيس التحرير: عبدالله إبراهيم
نائب رئيس التحرير: مريم عبدالهادي كامل
الوسوم:
عدد اليوم