كتب- عبدالله إبراهيم
- حدثنا عن وجهة نظرك في العمر؟
العمر هو مجرد رقم النجاح أو الفشل مش مرتبط بالعمر نجاحك وتحقيق ذاتك هو أكبر تحديد لعمرك
- حدثنا عن كتابتك وأعمالك الأدبية؟
شاركت برواية سايكو في معرض القاهرة ٢٠٢٢ حالياً بينزل ليا قصص قصيرة في بعض المواقع والصفحات علي الفيس بوك والمعرض الجديد هكون موجود بعمل جديد بإذن الله يحقق نجاح
- كيف كانت بدايتك وهل واجهت المصاعب؟
أنا بدأت أكتب من سنة ونص تقريباً كنت بكتب قصص قصيرة وكانت حاجات مش منظمة أوي واكتشفت اني عندي موهبة في التأليف وبدأت أكتب وربنا كرمني
- دعنا نتخيل أن موهبتك العظيمة هي طفلتك المدللة أخبرنا كيف تتعامل معها لكي تُنميها؟
أنا بشوف إن الموهبة هي نعمة من عند ربنا حتي لو موهبتك في أي مجال هي نعمة ربنا ادهالك لازم تخافظ عليها وتنمية الموهبة وتسعى أنك تكون أفضل
- وكيف تحميها من العقبات التي تواجهك مثل المحبطين أو الكسل وغيرها من العقبات؟
أهم حاجة أن الإنتقاد يكون دافع ليك إنك تعمل الأحسن وتعمل أجمد حاجة عندك
- هل في يوم قال لك أحدهم أنك لست موهوب أو أوجه لك حديث جعلك تشعر للحظة أنك غير موهوب أو كان المجتمع من حولك يحب موهبتك ويقوم بتشجيعك؟
أكيد طبعاً كنت بسمع أنت بتكتب اي محدش هيشوف الكلام ده القصص مش حلوة ومش منظمة
- كيف استطعت تخطِ كل العقبات والصعوبات التي واجهتها؟
بصراحة كان بيبقا دافع ليا كنت بكتب اكتر واشتغل علي نفسي اكتر واكتر
- حدثني عن قدوتك أو شخصك المميز في هذا المجال الذي كان مصدر إلهامك؟
أنا بحب الكاتب أحمد خالد توفيق جداً الصراحة
- حدثنا عن أمنيتك التي تحاول تحقيقها في هذا المجال؟
نفسي أوصل لمكان بعيد جداً في المجال و الروايات والقصص بتاعتي تتعرف وكل الناس تشوفها واكتب ١٠٠ رواية
- لكل فن رسالة، ماهي رسالتك التي تحاول إيصالها إلى العالم؟
أنا بحب أكتب في منطقة الحروب والخيال العلمي بحاول علي قد ما اقدر أوصل رسالة منها أن عدد صفحات الرواية يكون مش كبير علشان محدش يزهق في النص وتكون طريقة السرد بسيطة
- أسرد موقف حدث لك وكان له عليك تأثير في هذا المجال أو كتشجيع لغيرك من ممتلكين هذه الموهبة!
لما الرواية حققت نجاح كويس ونسبة مبيعات كنت كويسة الحمد لله كان دافع ليا إني استمر والأهم من كل ده أنك تحط هدفك قدام عينك وتحاول بكل الطرق أنك توصل لحلمك
- إذا طلبت منك وصف المؤسسة والغزل بها لكي تلفت نظر العالم إليها وتجعلها أقرب لقلوبهم مثلما هي قريبة من قلبك، ماذا ستقول؟ أنا عايز اشكر المؤسسة علي الحوار الجميل ده الأسئلة فعلاً كان جميلة وممتع واتمنى كل التوفيق ليكم المكان فعلاً كبير ويستحق.
رئيس التحرير: عبدالله إبراهيم
نائب رئيس التحرير: مريم عبدالهادي كامل
#حكاية_تدَوِّن_أحلامنا_لكل_جيل
#جاليري_صناع_الثقافة_والفنون
#شروق_مصر_٢٠٣٠
#قادرون_بالحلم
#خُط_لكي_تترك_أثرًا
#النجاح_شايلنا_وطاير
#Shorouk_Of_Egypt
#Season_1
الوسوم:
عدد اليوم