كتبت- حنان محمد
نتعرف بحضرتك؟
أيمن أمين محمد محمد
السن/ 24 سنة
خريج كلية الألسُن جامعة قناة السويس بلغتين صيني وتُركى .
إيه أسباب دخولك عالم الكتابة؟ كان في هدف معين ولا مجرد تفريغ للموهبه؟
لما اكتشفت كدة فى أكتر مرحلة حسيت فيها بالفشل، كنت من النوع اللي بيفكر كتير وبيعرف يعبر عن اللى جواه، فقررت أخرّج الكلام ده على ورق لعله يفيد غيري
وبسبب إنى راعيت ربنا في كل حرف بيخرج مني، لاقيت ناس وصلها احساسي وربنا كرمني
وهدف كان عندي من زمان والحمد لله حققته .
هل جاه لحظة على حضرتك حسيت إنك خلاص فشلت ومش هتكمل؟ ولو ده حصل، ازاي خرجت منها وايه أكتر حاجة ساعدتك تخرج منها؟
هو عمومًا المجال ده كله صعوبات، بس الصعوبة اللى بتواجهني دايمًا إن كل حرف بيخرُج لازم أحس بيه قبل ما أكتبه، ودي حاجة تتعب أي إنسان ذهنيًا ونفسيًا
لكن عمر ما خليت احساس اليأس يسيطر عليا .
على مدار السنين أيمن آمين حابب يقدم إيه ويكون فين؟
لو من قلبي فإني لما أموت الناس تفضل فاكراني
لكن لو في حياتي نفسى آخد جايزة أفضل كاتب فى مصر، ويكون ليا أعمال سينمائية من تأليفي .
هل تعرضت للتنمر إنك مش هتقدر تكون كاتب أو حد نصحك بعدم الكتابة أو عملك إحباط؟
كتير جدًا جدًا ودي كانت من أهم الأسباب إني أكمل، علشان أثبتلهم العكس وأنجح أكتر .
ممكن تكتب لينا أكتر جملة غيرت فى حياتك وقدمتك للأحسن؟
طول ما أحلامك في طوعك كمل وإمشي لقدام، مش نهاية الكون وقوعك النهاية في الاستسلام .
هل يوجد عمل جديد لمعرض 2023؟
لسه لحد دلوقتي .
ومين أكتر شخص داعم لأيمن آمين من ورا الشاشة؟
كل واحد كتبلي كلمة حلوة من قلبه أو دعالي .
مين أكتر حد دعمك؟ وايه أكتر شيء حسيت إنك حققته لما نشرت المفتون؟
أكتر حد دعمني كان نفسي، وثقتي في ربنا إن أكيد اللي بيتعب بيلاقي، ولما نشرت المفتون أكتر حاجة حققتها إني طلعت كلامي للنور بعد سنين كانت في ضلمة مابتتشافش .
أيمن آمين الكاتب المشهور وصل لـ هنا ازاي؟ وأيمن المشهور يقول إيه لأيمن القديم صاحب العشرين سنة؟
أيمن هو هو نفس النسخة القديمة ماتغيرش كتير، بس اشتغل على نفسه، ماستناش من حد حاجة، حط المستحيل قدام عينيه وقال بعون الله ممكن، ولو هقابل نفسي زمان للمرة المليون هنصحها تعمل نفس اللي عملته .
وكده يكون انتهى حوارنا مع الكاتب أيمن أمين نتمنى له التوفيق والمزيد من النجاح والإبداع .
رئيس التحرير: عبدالله إبراهيم
نائب رئيس التحرير: مريم عبدالهادي كامل
#حكاية_تدَوِّن_أحلامنا_لكل_جيل
#جاليري_صناع_الثقافة_والفنون
#شروق_مصر_٢٠٣٠
#قادرون_بالحلم
#خُط_لكي_تترك_أثرًا
#النجاح_شايلنا_وطاير
#Shorouk_Of_Egypt
#Season_1
الوسوم:
عدد اليوم