حوار خاص مع الكاتبة شيماء مشحوت لمجلة حكاية يافِث أرثر للثقافة والفنون

كتبت- ريهام الباز

 

-ممكن تعرفي نفسكِ؟ شيماء مشحوت ١٨ سنة 

-ممكن تقولنا بدأت كتابة أمتى؟ 

 كنت بكتب من صغري يعني تقريبا 3 ابتدائي على هيئة مذكرات أو مواضيع تعبير وأخيرا بدأت نشر ودخول للمجال ١/١/٢٠٢١

-مين أكتر الشخصيات اللي قابلتك ف مجال الكتابة وأثرت فيكي ككاتبة؟ ناس كتير ممكن أفتكر منهم وكتير لأ بس ال فاكراه دكتور حنان لاشين، دكتور عمرو عبدالحميد، الكاتبة سندرا سراج

-هل واجتهك صعوبات ف المجال؟ وازاي تخطيتها واتعاملتي معاها؟  

الحمد لله كان المعظم بيدعمني وخصوصًا عائلتي وأكتر حد بجد أخويا كان دايمًا يشجعني ويزود ثقتي في نفسي ومازال  

-بالنسبالك الكتابة هواية او موهبة ولا ممكن اي شخص يكتب عادي؟ 

أعتقد أن أي شخص يقدر يكتب عادي بس مش أي شخص يقدر يحب الكتابة ومش أي حد يقدر يتمكن منها فعلًا غير لو بيحبها وعنده الموهبة وصبر أنه يتعلم ويكتب ويتقبل نقد ال حواليه ويفضل مستمر. 

-من رايك الكاتب المثالي او الناجح بيتصف ب اي؟ الكاتب المثالي أو الناجح

 هو ال يقدر يكتب في أي وقت يعني مثلا في أكتر وقت هو حزين يكتب عن الفرح، أنه يقدر يعيش مع ال بيكتبه بعيدًا عن الواقع، عنده قدرة أنه يتقبل نقد ال حواليه وكمان يقدر يحسنه للأفضل، ويكون متمكن فعلًا في كل أساسيات الكتابة، ومازالت إلى الآن مش أي حد يستحق اللقب ده حتى أنا لدلوقتي مستحقش اللقب ده لأن ال يستحقه بجد لازم يكون جدير بيه، وعنده خبرة كافية فيها وقادر يتقدم باستمرار، وأنه يكون عنده معلومات كافية في كل المجالات، َدايما مهما يوصل مش هيكون شايف نفسه الأفضل. 

-مين مثلك الأعلي؟ أتعلمت أخد الأفضل والمميز من كل شخص مش شخص معين

-مين وقف جمبك وشجعك ف اول خطوة ليكي ف المجال؟ أخويا الصغير وأهلي وأصحابي 

-كلمنا عن انجازاتك؟ دخلت المجال في يناير 2021 في خلال 3 شهور حصلت على العديد من الشهادات والعديد من المراكز من الكثير من الكيانات مثل كيان وجدان، نقطة تحول، انتقال، شهيق دامس، شاركت في العديد من المسابقات وحصلت منها على بعض الشهادات ومن هذه المسابقات مَن أهلني للمشاركة في كتب مجانية مثل كتاب الحبر الصامد، سراديب قلوب، وأخرى شاركت بها مثل جروح مباحة، بطعم القهوة، وتم نشر أكثر من مرة نصوص لي في مجلة الأديب الناقد، كما شاركت في العديد من الكتب الإلكترونية، وشاركت في العديد من كورس لتعلم الكتابة ومنها كورس تحت إدارة دار الفنار وأخرى دار بوڨار، كما أنني اجتازت كورس في تعلم الشعر ولكنني لم أتمكن به بعد، كتبت العديد من الخواطر والقصص القصيرة والنصوص وروايات القصيرة وبعض الكلمات التي لم أستطع قول أنها شعر إلى الآن ولكنني مازالت أحاول أن أجيدها ومازالت أتعلم حتى أصل. 

-كلمنا عن خططك المستقبلية ف مجال الكتابة؟ لسه مافيش حاجة كنت بفكر أنزل كتاب ورقي بس قررت أجل الخطوة دي لما أكون متمكنة أكثر، فلسه هحاول أخد كورسات تانية الفترة دي. 

-هل عندك مواهب تانية؟ أعتقد أن في الإلقاء بس لسه منزلتش حاجة وبحاول أدرب أكثر. 

-وجه كلمه للكُتاب والجريدة؟ شكرًا جدًا ليكم وفي المجهود المبذول ده، وحقيقي من أفضل الكتاب. 

-كلمة أخيرة نختم بيها الحوار الصحفي؟ بشكر أي حد دعمني ولو بكلمة حلوة، بشكر أهلي ال دايمًا واقفين معايا. 

سعدت جدًا بالحوار مع حضرتك شكرًا جزيلًا.

أنا أكثر، وفعلًا كان لقاء لطيف جدا.

http://hekay-news.blogspot.com/2022/10/blog-post_23.html

الحوار على جاليري حكاية للثقافة والفنون♥️

رئيس التحرير: عبدالله إبراهيم 

نائب رئيس التحرير: مريم عبدالهادي كامل

#حكاية_تدَوِّن_أحلامنا_لكل_جيل

#جاليري_صناع_الثقافة_والفنون

#شروق_مصر_٢٠٣٠

#قادرون_بالحلم

#خُط_لكي_تترك_أثرًا

#النجاح_شايلنا_وطاير

#Shorouk_Of_Egypt 

#Season_1