كتبت: سندس علي
حدثينا عن نفسك؟
أسمي ياسمين أنا طالبة جامعية في السنة الاولى بادارة الاعمال .
كيف كانت البداية في اكتشاف الموهبة؟
كنت ارسم رسومات بسيطة كل فترة وفترة وبصف الاول ثانوي بلشنا نتعلم اساسيات الرسم وكنت انا دائما الاولى برسم ومعلمتي هي لي اكتشفت موهبتي وصارت تدعمي اني ارسم وكنت اول طالب بتحطلو علامة 20/20 برسم وهيك بلشت اهتم برسم وصرت اشتري ادوات الخاصة فيه .
حدثينا عن أول الأعمال التي قمتِ برسمها ؟
اول الاعمال يلي بلشت فيها هي كانت رسم جميع انواع الرسم متل رسمة سريالية ورسمة زخرفة و رسمة تنقيطية ...لحتى وصلت لرسم البورتريه وتوقفت عندو لان حسيت هاد اكتر نوع حبيتو وحبيت كمل فيه .
ما الأوقات المفضله لديكِ للرسم ؟
الاوقات المفضلة للرسم هي اوقات العطلة والفراغ
من كان يساعدكِ في تنمية موهبتك، ومن هو أهم داعمٍ لكِ؟
كان في كتير اشخاص دعموني وشجعوني فعليا اني كمل واتقدم برسم وبحس لولا تشجيعن ما كنت هلق بهل مرحلة متل معلمتي واخي كان داعم قوي لالي واهلي كلن اصدقائي ومتابعيني عل انستغرام .
حدثينا عن إنجازاتكِ حتى لو بسيطة؟
احلى انجازات عملتها اني فتحت حساب انستغرام وكان خاص فقط برسم ولحمدلله حصد تفاعل حلو وكبير وكمان طوعت بجمعية خيرية وكنت اعطي دروس باساسيات الرسم للاطفال .
لنتخيل أن موهبتكِ تلك هي طفلتكِ المدللة، كيف لكِ أن تتعاملي معها، وتنميها؟
بتعامل معها كانها جزء من حياتي بحب اعطي وقت لالها وطورها مع لوقت لان فعليا رسم كل ما مارستي اكتر بتزيد ثقتك برسمك وبتزيد جمالية الرسمة .
وكيف تحمينها من العقباتِ، الفتور، والكسل، وذوي الآراء البائسة؟
فلو الرسم طفولتي كانت احلى طفولة
بحمي موهبتي بالاصغاء للآراء الايجابية اكتر من السلبية ما بكره الآراء السلبية مع انها نادرة بس باخد منها طاقة وبحاول اطور فيها وبحميها من الفتور والكسل بل ممارسة متل ما ذكرت بضل حاول ارسم اكتر وهلق سجلت دورة رسم بجامعة لحتى ما بعد عنها وضل مرافقتني هل موهبة .
ماهي أحلامك؟
احلامي كتيرة ما في احكيلك ياهن يمكن بسطر بس باختصار انا بنت طموحة وعندي شغف وحب التطور فهل شي بخليني دائما اسعى اني اتقدم وكون بل مركز الاول .
حدثينا عن قدوتك او شخصك المميز في هذا المجال؟
قدوتي هي معلمتي يلي اسستني ودعمتي اني ارسم .
حدثينا عن موقف حدث وأثر فيكِ، وفي مجالك أو كلمه هي عندكِ مصدرُ تشجيع لشخص يمتلك الموهبه ؟
من اجمل لمواقف لما اصدقائي يشوفو رسماتي بحب ردة الفعل تبعن وكيف بشجعوني و كمان كتير اشخاص بيطلبو مني ارسمن او عملن الرسم فهل شي باثر فيي وبخلي ثقتي تزيد انو انا عنجد رسامة محبوبة وبقول لاية شخص بحب رسم استمر ما في رسام نجح من اول رسمة ابدا الرسم بدو صبر وتاني وثقة بنفس وشوي شوي ببين الفرق ومنوصل للمرتبة اللي نحنا منتمناها .
رئيس التحرير: عبدالله إبراهيم
نائب رئيس التحرير: مريم عبدالهادي كامل
الوسوم:
عدد اليوم