كتب: عبدالله إبراهيم
- حدثنا عن وجهة نظرك في العمر؟
العمر ليس مقياس لإبراز موهبه معينه فيه ناس بتتولد موهوبه بالفطرة وناس مولوده حابه الشيء وبتطوره ف بتكون موهوبه فيه والاتنين لازم يستغلوا الوقت والفرص عشان يثبتوا نفسهم وإن علي الأقل يتعلم حاجه واحده كل يومه وعمره ميعديش كدا بلا هدف.
- حدثنا عن كتابتك وأعمالك الأدبية؟
الكتابة مش هي هوايتي الأولي عشان بيسبقها حُبي للتصوير، لكن أكتر الوقت بلجأ للكتابة ف تفريغ اللي بيدور ف بالي بمارس الكتابه حُبًا مش هواية.
- كيف كانت بدايتك وهل واجهت المصاعب؟
بدايتي كانت بين صُحابي واني كنت بصور حاجات بالصدفه وكانت ليا نظرة مختلفه عنهم ف الشيء اللي قدامي ولما بدأت تصوير لفتوا نظروا ودعموني فإن تصويري حلو ولازم يتشاف وأمارسه أكثر.
- دعنا نتخيل أن موهبتك العظيمة هي طفلتك المُدلّله أخبرنا كيف تتعامل معها لكي تُنميها؟
طول الوقت بشوف فيديوهات للتصوير وخدت كورسات في أساسيات التصوير بالموبايل والكاميرا غير اني ف أكتر من جروب على الفيس ناس عندهم موهبه أكتر مني وبتعلم منهم وبعمل تغذيه بصريه طول الوقت.
- وكيف تحميها من العقبات التي تواجهك مثل المحبطين او الكسل وغيرها من العقبات؟
موهبتي مطلعتش للنور ولا بدأت انشرها والناس تشوفها إلا لما نميتها وطورتها عشان أكون وقتها قادر استقبل النقد وميوقفنيش وكان أغلب النقد اللي بيتوجهلي بيكون بناء.
- هل في يوم قال لك أحدهم أنك لست موهوب او أوجه لك حديث جعلك تشعر للحظه أنك غير موهوب او كان المجتمع من حولك يحب موهبتك ويقوم بتشجيعك؟
أغلب الوسط اللي حواليا داعم ليا وبيشجعني طول الوقت علي انجازاتي ودا بيكون دافع ليا طول الوقت إني أكمل ف انا ممتن لكل اللي حواليا لإنهم اوقات انطفائي وكسلي بيشجعوني وبيخلوني أقف تاني وأكمل
- كيف استطعت تخطِ كل العقبات والصعوبات التي واجهتها؟
مفيش عقبات او حاجات كبيرة قابلتني لحد دلوقتي كان اغلب الحاجات اللي بتقابلني حاجات بسيطه وبقدر اعديها لكن التحدي بالنسبالي دلوقتي إني اطور من نفسي أكتر وأشتري كاميرا وأبدأ تصوير بيها.
- حدثني عن قدوتك او شخصك المميز في هذا المجال الذي كان مصدر إلهامك؟
انا بحب حسام فاروق "انتيكا" مش ك قدوة او شخص مميز علي قد ما عاجبني قصة كفاحه وإنه بدأ من الصفر وكان بيسعيٰ فـ أكتر من مكان لحد ما وصل وبقا من أشهر مصورين مصر.
- حدثنا عن أمنيتك التي تحاول تحقيقها في هذا المجال؟
إني أكون مشهور ف التصوير بتعبي وشغلي وإني طول الوقت أطور من نفسي وموقفش عند نقطة معينه وأقول خلاص كدا كفايه، مفيش سطح لأُمنياتي.
- لكل فن رسالة، ماهي رسالتك التي تحاول إيصالها إلى العالم؟
إن مجرد صورة ممكن أكتر من شخص يفهمها بطريقة مختلفه ويشوفها بمنظور مختلف 180° لشخص تاني، إننا نشوف الجميل فـ الحاجات ونبرزه مش لازم طول الوقت نظهر العيوب وبس.
- أسرد موقف حدث لك وكان له عليك تأثير في هذا المجال أو كتشجيع لغيرك من ممتلكين هذه الموهبة!
موقف بسيط خالص لكن فرحني اوي وهو اني بنزل الصور اللي بصورها علي الأكونت الشخصي بتاعي علي الفيسبوك واللي اسمها "اسلام مراد." ف اتفاجئت بإن شخص لاقيته طابع حاجات من تصويري ولازقها في أوضته.
رئيس التحرير: عبدالله إبراهيم
نائب الرئيس: دعاء الرصاصي
الوسوم:
العدد الشهري _ العدد الثاني