كتب: عبدالله إبراهيم
الرسام أحمد محمد عبد الغني العربي فنان شاب واعد طالب بالفرقة الثالثة بكلية التربية النوعية قسم التربية الفنية بجامعة كفر الشيخ رسام مبدع كما أنه موهوب بالفنون التشكيلية والبصريه يقول الرسام احمد العربى:بدأت موهبتي من سن الابتدائي وطورت ونميت نفسى بالتدريب والممارسة لحد ما وصول للمرحله اللي موجوده فيها
شاركت ممثلا للمحافظة فى المتلقي العربي الاول تحت اشراف رئيس الجمهوريه اللى انعقد في شرم الشيخ 2018 وكان دوري مشرف ومدرب رغم انى كنت لسه بالثانوية
بناء على ترشيح من دكتور رحاب رشاد
مسؤل الموهوبين ع مستوى المحافظه
و تم تكريمى من الرئيس عبد الفتاح السيسي واهديت للدكتور مصطفى مدبولى رئيس الوزراء رسم بورتريه من اعمالى بمناسبة تشريفه لينا
يضيف العربى انا بعطي كورسات ومحاضرات فى مجال الرسم من فترة وطلع من عندى مواهب كتير
ويشير احمد انه مش بيرسم وبس كمان بيعشق النحت بيقول: النحت بالنسبه لي حب كبير بشكل أعمال بالطين الاسواني وبعمل خرف سواء اشكال لغرض نفعي او جمالي
وفى الرسم بستخدم خامات كتير زي الوان المائيه والزيت واستخدمت الرصاص ودي الخامه اللي كانت متوفره ف البداية واستخدمت الباستل والفحم
. ويضيف احمد شاركت كمان في مسابقات وحدة تكافئ الفرص واتكرمت فى مسابقات على مستوى المحافظة واخدت مركز تاني تحت اشراف دكتور رحاب رشاد
وشاركت في بعض المعارض وحصلت على العديد من شهادات التقدير وليا مشاركه قريبه في معرض ف اسكندريه
احمد بيأكد على أهمية الدراسة المتخصصة مع الموهبة لان الدراسه كمان اكسبته خبرات اكتر يعني مثلا في اشغال خشب اني بعمل تشكيل بالخشب او لوحات فنيه ماده اشغال فنيه تشكيل بالورق يعني مش محصور علي حاجه معينه الفن بيطلع مني اي حاجه حلوة حوالينا.
رئيس التحرير: عبدالله إبراهيم
نائب رئيس التحرير: دعاء الرصاصي
الوسوم:
العدد الشهري _ العدد الثاني